Հայաստանում մայրական մահացության թիվը նվազել է: Առողջապահության նախարարության Մոր և մանկան առողջության պահպանման վարչության պետ Կարինե Սարիբեկյանն այսօր կայացած ասուլիսի ընթացքում նշեց, որ մայրական մահացության ցուցանիշը հաշվվում է 100 000 ծննդով:
Եթե նախորդ տարվա 6 ամիսների ընթացքում գրանցվել է մայրական մահացության 8 դեպք, ապա այս տարի արձանագրվել է 1 դեպք: Սարիբեկյանի խոսքով` մայրական մահացության վրա բացի առողջական խնդիրներից մեծ ազդեցություն են ունենում նաև սոցիալական տվյալները, վատ սովորույթները:
Անդրադառնալով մանկական մահացություններին` նա նշեց, որ այս դեպքերի նվազեցման առումով նույնպես մեծ են ցուցանիշները: Նրա խոսքով՝ մանկական մահացությունների դեպքերն ավելի շատ են լինում այն ժամանակ, երբ մայրերը բարձրագույն կրթություն չեն ունենում:
.gif)
