Կյանքից հեռացել է ռոքնռոլի աստղ Բոբբի Ուոմաքը (տեսանյութ)

70 տարեկան հասակում վախճանվել է ամերիկացի երգիչ և կոմպոզիտոր Բոբբի Ուոմաքը. տեղեկացրել է Rolling Stone ամսագիրը: Ինչպես պարբերականին ասել է ձայնագրման ընկերության ներկայացուցիչը, որի հետ համագործակցել է Ուոմաքը, մահվան պատճառն առայժմ հայտնի չէ:

Երգիչը ծնվել է Օհայո նահանգի Քլիվլենդ քաղաքում 1944թ. մարտի 4-ին:

1952թ. Ուոմաքն ու իր եղբայրները ստեղծել են Womack Brothers խումբը, որը ավելի ուշ վերանվանվել է The Valentinos: Նրանք միասին ելույթներ են ունեցել ԱՄՆ-ի նահանգներում՝ կատարելով գոսպել երաժշտություն: Ժամանակի ընթացքում եղբայրներն անցել են սոուլ և ռիթմենդբլյուզ կատարումների:

1970-ականներից Ուոմաքը սկսել է մենակատարի իր կարիերան: Երգչի ամենահայտնի կատրումներից են «Lookin’ For A Love», «Across 110th Street», «If You Think You’re Lonely Now ” և «Woman’s Gotta Have It» երգերը:

2009թ. երգիչը տեղ է գտել ռոքնրոլի «Փառքի դահլիճում»: