Ազգային Ժողովի նախկին պատգամավոր Նապոլեոն Ազիզյանը «Ժողովուրդ»-ի հետ զրույցում ասաց, որ արդեն հստակ որոշել է` խորհրդարանական առաջիկա ընտրություններին իր թեկնածությունն առաջադրելու է: Պարոն Ազիզյանը նշեց, որ 9-րդ ընտրատարածքում է առաջադրվելու: Նրա խոսքերով` «Բարգավաճ Հայաստան» կուսակցությունն արդեն որոշում է կայացրել` իր թեկնածության առաջադրման հետ կապված: Հիշեցնենք, որ Կենտրոնի թիվ 9 ընտրատարածքում իր թեկնածությունը կրկին առաջադրելու է նաեւ ԱԺ պատգամավոր Ռուբեն Սադոյանը, որը Երեւանի նախկին քաղաքապետ Գագիկ Բեգլարյանի եղբոր սանիկն է ու ՀՀԿ Կենտրոնի կազմակերպության ղեկավարը: Ի դեպ, օրերս Սադոյանի եղբայրը դարձավ Կենտրոն վարչական շրջանի ղեկավար:
.gif)
