Իսրայելում քննարվում են երեք հրեա դեռահասների առևանգման և սպանության դեմ ձեռնարկվելիք միջոցները: Շատերը կոշտ հակահարվածի կոչ են անում, տեղեկացնում է BBC-ին:
Երկրի վարչապետ Բենյամին Նեթանյահուն, ով երեքշաբթի մասնակցել էր երիտասարդների հուղարկավորմանը, հատուկ ուղերձում հայտարարել է, որ ՀԱՄԱՍ-ը թանկ կվճարի այս սպանությունների համար:
«Մեր առջև երեք խնդիր կա. գտնել մեր քաղաքացիների սպանողնրին և դատարանի առաջ կանգնեցնել, հարված հասցնել ՀԱՄԱՍ-ի ենթակառուցվածքներին և ամենակոշտ ձևով պատասխանել հրթիռային ռմբակոծումներին, որոնք ՀԱՄԱՍ-ն իրականացնում է Գազայի հատվածից», – հայտարարել է Նեթանյահուն:
Այս ֆոնի վրա շարունակում է անկայուն մնալ իրավիճակը Երուսաղեմում: Քաղաքում դեռ
շարունակվում են բախումները ոստիկանության և արաբ բնակչության միջև: Անկարգությունները սկսվել են այն բանից հետո, երբ ոստիկանությունը հայտնաբերել է արաբական թաղամասերից գիշերը առևանգված պաղեստինցի դեռահասի դին:
.gif)
