Նախօրեին ճանապարհատրանսպորտային պատահարի կիզակետում է հայտնել ռուս հայտնի դերասան Գոշա Կուցենկոն: Միջադեպը նկարահանել են փողոցային տեսախցիկները:
Տեսագրության մեջ երևում է, թե ինչպես է Կուցենկոյի՝ «Կաբրիոլետ» մակնիշի ավտոմեքենան հատում խաչմերուկը: Այդ պահին նրան է բախվում «Ինֆինիտի»-ն:
Չնայած ուժեղ հարվածին՝ բարեբախտբար, ոչ ոք չի տուժել: Վթարից անմիջապես հետո արված կադրերում երևում է, որ կաբրիոլետը լուրջ վնասվածքներ է ստացել: Ով է պատահարի մեղավորը, առայժմ պարզ չէ:
Գոշա Կուցենկոյի՝ մուգ կապույտ կաբրիոլետը արդեն գրավել էր մոսկվաբնակների ուշադրությունը: Անցած տարի բլոգերներն այն լուսանկարել էին հետիոտների անցման ճանապարհին կանգնած:
«Ինստագրամ»-ի իր էջում Կուցենկոն հրապարակել է վթարի հետևանքները պատկերող լուսանկարները և մեկնաբանություն գրել. «Վե՛րջ: Չկա Մորգանը»: Երկրպագուները փորձում են նրան սփոփել՝ ասելով, որ կարևորը մարդիկ չեն տուժել. տեղեկացնում է vesti.ru-ն:
.gif)
