«Հրապարակ» օրաթերթը գրում է. «Օշականցի Գեւորիկի ու երրորդմասցի Լյովիկի վեճը մինչեւ վերջ դեռ չհարթած, հայոց իսթեբլիշմենթը, որը երկու մասի էր բաժանվել այս հարցում եւ հերթով մտնում, դուրս էր գալիս նախագահի մոտ, վերջերս «խորացել» է եւս մեկ «բանակցային» թեմայի մեջ, բայց արդեն Վստրեչի Ապերի հարցով, որի վրա, ինչպես տեղեկացրին մեր աղբյուրները, հայտնի պաշտոնյաներից մեկը «բոչկա» է գլորել` մինչեւ նախագահի մակարդակ, վերջինս էլ հանձնարարել է ոստիկանությանը` վերջնականապես կարգի բերել «ոլորտը»` գողականներին հանելով հայտնի «պաշտոնյաների տակից», ինչն էլ «խաղի մասնակից» պաշտոնյաները բավական ծանր են տարել:
Ի դեպ, մեր աղբյուրների փոխանցմամբ, կառավարության որոշ անդամների միջեւ այս թեման դարձել է լուրջ ջրբաժանի հիմք: Հիշեցնենք, որ վերջերս խոսվում էր նաեւ երգիչ Աֆոնին ժամկետից շուտ բաց թողնելու մասին, ինչն այս պայքարի «դրվագներից» է, սակայն մեր աղբյուրներն ասում են՝ «չեն գնա դրան»:
Ամբողջությամբ՝ թերթի այսօրվա համարում։
.gif)
