ԼՈՒՐԵՐ

ԱՄԵՆԱՎԻԹԽԱՐԻ ԹՌՉՈՒՆԸ

Հետազոտելով ավելի քան 30 տարի առաջ հայտնաբերված քարացած մնացորդները՝ ամերիկացի գիտնականները եկել են այն եզրակացության, որ դրանք պատկանում են ամենավիթխարի թռչնին, որ երբեւէ ճախրել է երկնքում:
Հսկայական ծովային թռչնի թեւերի երկարությունը կազմել է 6-7.5 մետր, որը երկու անգամ ավելի է, քան ալբատրոսինը, որը համարվում է փետրավորների ամենախոշոր ներկայացուցիչը:
Համակարգչային մոդելավորումը ցույց է տվել, որ հնագույն թռչունը, որն ապրել է Երկրի վրա մոտ 5 մլն տարի առաջ, հնարավոր է՝ բավականին էլեգանտ է ճախրել երկնքում, սակայն հսկայական չափերի ու քաշի պատճառով հաստատ խնդիրներ է ունեցել թռչելիս եւ իջնելիս:

ՆՈՐ ՌԵԿՈՐԴ

Բրիտանացի պրոֆեսիոնալ հեծանվորդ Քրիս Ֆրումն առաջինն է, ով հեծանվով Մեծ Բրիտանիայից Ֆրանսիա է հասել Լա Մանշի տակով։ Էլեկտրոնային տարբերակը, սպորտսմենի ուղեւորությունն Եվրաթունելով անգլիական Ֆոլքսթոունից ֆրանսիական Կալե քաղաք տեւել է մոտավորապես 55 րոպե։ Տվյալ արդյունքն ավելի երկար է, քան ճամփորդությունը գնացքով՝ 35 րոպե, սակայն ավելի արագ է, քան լաստանավով՝ 90 րոպե։ Ֆրումի զարգացրած առավելագույն արագությունը եղել է 65 կմ/ժ։

ԱՆՆԱ ՄՈՎՍԵՍՅԱՆԸ ԿՄԱՅՐԱՆԱ

«Քույրը» հեռուստասերիալից հայտնի դարձած դերասանուհի Աննա Մովսեսյանի նորաստեղծ ընտանիքում համալրում է սպասվում: Աննան նշել է, որ հղիության երրորդ ամսում է եւ նոր կարգավիճակում իրեն հրաշալի է զգում: Երեխայի սեռը դեռ չեն պարզել, իսկ նորածնի ճիչը նրանց տանը կլսվի հունվարին:
Դերասանուհին ափսոսում է, որ չի կարողացել ամուսնուն անակնկալ ձեւով հայտնել հայր դառնալու լուրը. «Նա պատահաբար լսեց իմ եւ սկեսրոջս խոսակցությունն այդ թեմայով»,- պատմել է Աննան: Ի դեպ դերասանուհին եւ ռոք-երաժիշտ Վրեժ Խաչատրյանն ամուսնացել են այս տարեսկզբին:

ՀԱՄԱՏԵՂ ՖԻԼՄ

Աստղային զույգի՝ Անջելինա Ջոլիի եւ Բրեդ Փիթի երկրորդ համատեղ ֆիլմը կնկարահանվի Մալթայում:
Մեկամսյա համատեղ շրջագայությունից հետո կայանալիք նկարահանումների վայր է ընտրվել Գոցոն: Աստղային զույգը եւ նրանց վեց երեխաները Մալթա կժամանեն ամռան վերջին եւ այնտեղ կմնան երկու ամիս:
Արդեն հայտնի է, որ նոր ֆիլմի սյուժեի հիմքում ընկած է ռոմանտիկ մի պատմություն, որի սցենարը գրել է ինքը՝ Ջոլին: Ֆիլմի անվանումը, ռեժիսորը եւ դերասանական կազմը դեռ հայտնի չեն:
«Դժվար թե այն մեծ կինո անվանես: Այս ֆիլմը շատերին դուր կգա, սակայն քչերը կցանկանան այն երկրորդ անգամ դիտել: Սա փորձարկային, անկախ նախագիծ է, որտեղ մենք կխաղանք մեզ համար նոր հերոսների դերում»- իր հարցազրույցներից մեկում ասել է Ջոլին:
Հիշեցնենք, որ Ջոլիի եւ Փիթի միակ համատեղ ֆիլմը «Միսթեր եւ միսիս Սմիթն» է: Այն նկարահանվել է 2005թ. եւ ստեղծողներին ավելի քան 500 միլիոն դոլար է բերել:

ՎԱՐՉԱՊԵՏԱԿԱՆ «ՍԵԼՖԻ»

Ռուսաստանի վարչապետ Դմիտրի Մեդվեդեւը կրկին գրավել է համացանցի օգտատերերի ուշադրությունը: Կառավարության շենքի վերելակում «սելֆի» անելուց հետո ՌԴ վարչապետն այս անգամ ներկայացրել է հայտնի երգիչ Նիկոլայ Բասկովի հետ իր «սելֆին», որն արվել է մոդելի հարսանիքի ժամանակ:
Բասկովի եւ Մեդվեդեւի լուսանկարը, որը հրապարակվել էր երգչի «Instagram»-ում, մի քանի օրվա ընթացքում մի քանի հազար լայք եւ մեկնաբանություն է հավաքել: Երգչի խոսքով՝ նա ՌԴ կառավարության ղեկավարի հետ լուսանկարվել է «ընկերական հանդիպման ժամանակ, որը, ինչպես պարզվել է ավելի ուշ, քիչ հայտնի «ԾՏոՌսՖվօպ ոսՏվՊՌվՍՌ» խմբի մեներգչուհի, «Միսս Երկիր -2013» մրցույթի հաղթող Օլեսյա Բոսլովյակի հարսանիքին է եղել: