ԿՆՇԱՆԱԿՎԻ
Նոյեմբերի 28-ին իր դիմումի համաձայն աշխատանքից ազատվել է Տավուշի մարզի դատախազ Աննա Մանթաշյանը: Նա մեզ ասել է, որ հրաժարական է տալիս առողջական խնդիրների պատճառով՝ արյան բարձր ճնշում ունի: Սակայն նախկինում չէր գանգատվում առողջությունից եւ մեծ ծանրաբեռնվածությամբ աշխատում էր: Ակնհայտ է, որ նրա հրաժարականը պետք է դիտարկել Գեւորգ Կոստանյանի՝ գլխավոր դատախազ նշանակվելուց հետո դատախազական համակարգում տեղ գտած հրաժարականների շարքում: Դեռ մինչեւ 49-ամյա Աննա Մանթաշյանի հրաժարականը, նրա տեղակալ էին նշանակվել Ներսես Չիլինգարյանը, Արամ Դոլինյանը եւ Յուրա Բաղյանը: Վերջինս նոյեմբերին Կոտայքի մարզից էր տեղափոխվել Տավուշի դատախազություն աշխատանքի: Նա էլ այժմ ժամանակավորապես կատարում է Տավուշի մարզի դատախազի պարտականությունները: «Ժողովուրդ»-ի տեղեկություններով՝ Տավուշի մարզի դատախազ կնշանակվի Յուրա Բաղյանը:
ՈՍԿԱՆ ՍԱՐԳՍՅԱՆ
Տավուշ
«ԶԵՆԻԹ»-«ԲՈՐՈՒՍԻԱ»
Դորտմունդի «Բորուսիա»-ն, որի կազմում հանդես է գալիս Հայաստանի հավաքականի ռմբարկու Հենրիխ Մխիթարյանը, ֆուտբոլի Չեմպիոնների լիգայի քառորդ եզրափակչի ուղեգրի համար մրցելու է Ռուսաստանի փոխչեմպիոն «Զենիթ»-ի հետ: Ահա 1/8-րդ եզրափակչի մյուս զույգերը. «Մանչեսթեր Սիթի»-«Բարսելոնա», «Օլիմպիակոս»-«Մանչեսթեր Յունայթեդ», «Միլան»-«Ատլետիկո», «Բայեր»-ՊՍԺ, «Գալաթասարայ»-«Չելսի», «Շալկե-04»-«Ռեալ», «Արսենալ»-«Բավարիա»։
Ռ. Թ.
.gif)
