Եթե այսօր չխնայենք խմելու ջուրը, ապա վաղը կկանգնենք խնդրի առաջ, Ջրի համաշխարհային օրվան (մարտի 22) ընդառաջ այսօր կազմակերպված ասուլիսին իր մտահոգությունները հայտնեց “”Գլոբալ ջրային համագործակցություն”” հասարակական կազմակերպության նախագահ Արևիկ Հովսեփյանը: Թեեւ չկան կատարված ուսումնասիրություններ, թե Հայաստանում որքան է կազմում խմելու ջրի կորուստը, մասնագետը նշեց, որ ջուրը հարկավոր է խնայել եւ միայն տեղեկացրեց, որ ամբողջ երկրի տարածքում ջուրն անհավասար է բաշխված: Արեւիկ Հովսեփյանը թերություն է համարում այն, որ Հայաստանում չկա անկախ փորձաքննություն իրականացնող մարմին, որը կզբաղվի ջրի ուսումնասիրությամբ: Մյուս կարևոր թերությունը, ըստ նրա, ջրային ցանցի մաշվածությունն է, որը շտապ վերանորոգման կարիք ունի: Ինչ վերաբերում խմելու ջրի անվտանգությանը, ապա Սննդի Անվտանգության եւ Որակի հսկողության տեսչության գլխավոր մասնագետ Վահե Դանիելյանի հավաստմամբ Առողջապահության նախարարությունն ամեն օր ստուգման է ենթարկում խմելու ջուրը եւ խախտումներ դեռ չեն գրանցվել:
.gif)
