Պատասխանելով «Ժողովուրդ» օրաթերթի հարցին, թե այդքան միլիոնի յուրացումներից հետո Դուք դեռ շարունակում եք մնալ Հանրապետական կուսակցության անդամ, ՀՀ սոցիալական ապահովության պետական հիմնադրամի նախկին նախագահ Վազգեն Խաչիկյանն ասաց. «Իհարկե: Ես բազմիցս հայտարարել եմ, որ ի տարբերություն քաղաքականության մեջ ճամբարներ փոխողների, քաղաքական բոմժերի` ես կմնամ ՀՀԿ-ում երեկ, այսօր եւ վաղը»: «Իսկ ի՞նչ երեսով եք քարոզելու ՀՀԿ-ի համար»` հարցրինք Խաչիկյանին, ով պատասխանեց կարճ. «Պարզ երեսով»: Երբ հետաքրքրվեցինք, թե արդյոք ծանր մեղադրանքներից հետո Խաչիկյանի մոտ ամեն ինչ լավ է, նա պատասխանեց. «Ամեն ինչ լավ է դրախտում, եւ ամեն ինչ լավ է հորիզոնական դիրք ընդունած վիճակում, երբ վերեւից ու ներքեւից մոմեր են դրված ու ծաղկեպսակներ»:
.gif)
