2011

Օրեր առաջ Անի Քոչարը մայրիկ է դարձել` լույս աշխարհ բերելով իր առաջնեկին: Անին եւ ամուսինը` Արման Մուշեղյանը, որդուն Դավիթ են անվանել: Անիի խոսքերով` երեխայի անունը որոշել էին դեռ նրա ծնունդից առաջ: Նորաթուխ մայրիկն ասաց, որ ինքը շատ երջանիկ է, զգացողություններն էլ` աննկարագրելի: 

Բռնցքամարտիկ Արթուր Աբրահամը պատրաստվում է լուրջ մենամարտի, որը կկայանա 2012 թվականի հունվարի 14-ին Գերմանիայի Օֆֆենբուրգ քաղաքի «Բադեն-Արենա» համալիրում: Աբրահամը նշել է, որ ինքը լավ մարզավիճակում է, հետեւաբար, հաղթանակն անխուսափելի է:Հայ բռնցքամարտիկի մրցակիցն արգենտինացի 23-ամյա Պաբլո Ֆարիասն է, ով անցկացրել է 19 մենամարտ եւ չի գրանցել ոչ մի պարտություն: «Մեծ աշխատանք եմ տարել նախորդ մենամարտերում սխալներս …

Բրազիլիայի իշխանությունները 1.8 մլն դոլարով տուգանել են ամերիկյան McDonald’s արագ սննդի ցանցին` անառողջ սննդի քարոզման համար: McDonald’s-ը տուգանվել է այն բանից հետո, երբ Սան Պաուլոյի սպառողների ասոցիացիան կոլեկտիվ բողոք է ստացել տեղի բնակիչներից: Դժգոհություն է առաջացրել ընկերության ապրանքանիշ համարվող Happy Meal-ը, որի հետ տրվում են նաեւ  խաղալիքներ` որպես նվեր: Հիշեցնենք, որ  վերջին շրջանում արագ սննդի …

55-ամյա չինացի կնոջ մազերը 8 տարվա ընթացքում երկարել են` հասնելով 8 ոտնաչափ երկարության: Որպեսզի կարողանան չափել մազերի երկարությունը, կինը ստիպված է եղել կանգնել աթոռին: Չնայած նրա մազերի ներքեւի հատվածը շատ բարակ է, բայց մազերն առողջ տեսք ունեն: Լուրը հայտնում է Mail Online-ը:

«Չինաստանում մանկավաճառության կասկածանքով 608 մարդ է ձերբակալվել»,- հաղորդում է Reuters-ը: Ոստիկաններին հաջողվել է ազատել 178 երեխայի, որոնց մեջ եղել են նաեւ նորածիններ: Ոստիկանությունում մանկավաճառների գործով հետաքննություն սկսվել էր դեռեւս 2011թ. մայիսին` Սիչուան նահանգում:

«ԱՄՆ նախագահ Բարաք Օբաման եւ պետքարտուղար Հիլարի Քլինթոնը հայտարարել են, որ հիմնադրամ են ստեղծում աշխարհում սեռական փոքրամասնությունների իրավունքները պաշտպանելու համար»,-հաղորդում է BBC-ն: Հիլարի Քլինթոնը նշել է, որ հիմնադրամի ստեղծման համար հատկացվել է ավելի քան 3 մլն դոլար: Ընդ որում, Քլինթոնի խոսքերով` զարգացող երկրներին օգնություն հատկացնելիս հաշվի կառնվի այն հանգամանքը, թե որքանով են դրանցում պահպանվում նույնասեռականների …

Գիտնականները բացահայտել են, որ 5 րոպե շարունակ ծամոն ծամելը բարձրացնում է ուշադրության կենտրոնացումը, ինչն էլ օգնում է հաջող հանձնել քննությունը: Ընդ որում, գիտնականները նկատել են, որ կարեւոր է ժամանակին դադարեցնել ծամելը: Փորձը ցույց է տվել, որ քննության ժամանակ ծամոն ծամելը, ընդհակառակը, խանգարում է կենտրոնացմանը եւ շեղում է:

Բրիտանացի հետազոտողները հատուկ հարցումների միջոցով պարզել են, որ մարդիկ այլեւս չեն խղճում աղքատներին: Հարցվածներից ամեն չորրորդը վստահ է, որ աղքատությունը ծուլության հետեւանք է, իսկ բրիտանացիների կեսը կարծիք է հայտնել, որ գործազրկության համար տրվող նպաստները չափից դուրս բարձր են: Համանման հետազոտությունները, որ անցկացվել են ավելի վաղ, ներկայացրել  են  ավելի հանդուրժող վերաբերմունք աղքատների նկատմամբ:

Երգիչ ՋՈՆԻ ԿԱՐԱՊԵՏՅԱՆԸ ճանաչում ձեռք բերեց «Համազգային աստղ» նախագծից հետո: Իր խոսքերով` նախագիծն իրեն շատ բան տվեց, քանի որ 6 ամիս շարունակ նրանք ամեն օր փորձերի ու պարապմունքների մեջ էին, ամեն շաբաթ էլ ուղիղ եթերում կենդանի ձայնով համերգ էին ունենում: Մինչ այդ նախագիծն էլ երգում էր ռեստորաններում ու ակումբներում: «Սառույցը կոտրվեց,-նշեց երգիչն ու հավելեց,-նախագծից հետո …

Հայաստանի գյուղատնտեսության նախարարությունը պատրաստվում է արգելել մթերքների արտադրության մեջ հորմոնալ հավելումները: Նախագիծը խորհրդարանում ներկայացրել է Հայաստանի գյուղատնտեսության նախարար  Սերգո Կարապետյանը:  Մտադիր են արգելել նաեւ կենդանիների աճի արհեստական  խթանիչները: Նշենք, որ ներկրված թռչնամիսը հաճախ հայ թռչնարտադրողները որակում են իբրեւ  «հորմոններով հագեցած», հետեւաբար ավելի էժան, բայց վնասակար: