Հունիս 22, 2012

Սարսափելի ավտովթար է տեղի ունեցել Մոսկվա-Չելյաբինսկ միջպետական ավտոմայրուղում. հսկա բեռնատարի արգելակների խափանման հետևանքով միմյանց են բախվել միանգամից 5 ավտոմեքենաներ, ինչի հետեւանքով հզոր պայթյուն է որոտացել: 2 մարդ զոհվել է, 5-ը ծանր վիճակում տեղափոխվել հիվանդանոց:

ՀՀ Ազգային ժողովի պատվիրակությունը հունիսի 25-29-ը կմասնակցի Ստրասբուրգում կայանալիք Եվրոպայի խորհրդի Խորհրդարանական վեհաժողովի (ԵԽԽՎ) ամառային նստաշրջանին: Խորհրդարանական պատվիրակության ղեկավարն է Դավիթ Հարությունյանը, իսկ կազմում են` Հերմինե Նաղդալյանը, Նաիրա Զոհրաբյանը, Արմեն Ռուստամյանը եւ Զարուհի Փոստանջյանը:

Ոստիկանության Նաիրիի բաժնի հետաքննչական բաժանմունքում նյութեր են նախապատրաստվում երեկ՝ հունիսի 21-ին տեղի ունեցած մի արտառոց դեպքի փաստով: Ինչպես Կոտայքի մարզից armlur.am -ին հայտնում է ֆոտոլրագրող Գագիկ Շամշյանը, երեկ՝ ժամը 14.00-ի սահմաններում Ոստիկանության Նաիրիի բաժին անհայտ քաղաքացուց ահազանգ է ստացվել, որ Արզնիի ձորից դեպի Նոր Գեղի տանող ճանապարհի ձորում ավտոմեքենա կա, որի մեջ էլ երիտասարդ տղա՝ …

Հունաստանի նորանշանակ վարչապետ Անտոնիս Սամարասը շտապ հոսպիտալացվել է` աչքի եղջերաթաղանթի հետ կապված պրոբլեմի պատճառով: Նորանշանակ վարչապետը հերթական բուժզննում է անցել, երբ բժիշկները հայտնաբերել են հիվանդության ախտանիշները: Վիրահատությունը նշանակված է շաբաթ օրվա համար: Այդ պատճառով վարչապետը ստիպված է եղել հետաձգել բոլոր հանդիպումներն ու այցերը:

ԱՄՆ Սենատը հավանություն է տվել գյուղատնտեսական ծախսերի կրճատումների մասին օրինագծին, որի նպատակն է 10 տարում խնայել 23.6 մլրդ դոլար: Ընդհանուր առմամբ, նախատեսվում է գյուղատնտեսությանն աջակցության 4 ծրագրերից թողնել միայն մեկը: Բացի այդ, մոտ 2 անգամ կկրճատվի այն ծրագիրը, որի միջոցով գումար է տրամադրվում հողային ռեսուրսների պահպանմանն ու ռացիոնալ հողօգտագործմանը,-հայտնում է  The Wall Street Journal-ը : 

Այսօր ՀՀ ԱԺ-ն առաջին լսումով հաստատեց ՀՀ Կառավարության կողմից ներկայացրած “Սևանա լճի մասին” և “Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան և համալիր ծրագրերը հաստատելու մասին” ՀՀ օրենքներում լրացումներ կատարելու օրենքների նախագծերի բուռն քննարկումների առիթ դարձած փաթեթն ամբողջությամբ՝ 93 կողմ, 12 դեմ ձայների հարաբերակցությամբ։ Վարման կարգի վերաբերյալ Վահան Հովհաննիսյանը հարցրեց Վարդան Այվազյանին, …

Wdaily-ին հրապարակել է մի  արտասովոր ռեստորանի լուսանկարներ: Ռեստորանը գտնվում է Ճապոնիայում` հաստաբուն ծառի վրա: Ռեստորանից բացվում է գեղեցիկ տեսարան դեպի ծով:

“Հարսնաքար” ռեստորանային համալիրի տարածքում տեղի ունեցած միջադեպի կապակցությամբ հարուցված քրեական գործի նախաքննությունը շարունակվում է ոստիկանության քննչական գլխավոր վարչությունում: Ստեղծվել է քննչական խումբ, որն արդեն իրականացրել է դեպքի վայրի զննություն, նշանակվել են դատաբժշկական փորձաքննություններ, առգրավվել հագուստներ, հարցաքննվել բազմաթիվ վկաներ: Այս պահին ձերբակալված է 7 հոգի. տեղեկացնում են ՀՀ ոստիկանությունից: Նախաքննությանը հայտնի է հետևյալը: Մի խումբ ընկերներ, …

Նոր ձեւավորված կառավարության կազմը գրեթե անփոփոխ է մնացել: Արտահերթ նիստում  Սերժ Սարգսյանը մեկնաբանեց, թե ինչու կառավարության կազմում հեղափոխական փոփոխություններ չեն արվել: “Դա պայմանավորված է ծրագրերի եւ արդեն իսկ ընթացքի մեջ գտնվող բարեփոխումների թափը չջարդելու մտադրությամբ: Սակայն սա չի նշանակում, որ մենք հեղափոխական արդյունքներ չենք ակնկալելու գործադիրի աշխատանքից: Այժմ բոլորիդ ուշադրությունը մասնավորապես պետք է ուղղեմ դեպի …

Այսօր կառավարության նիստում որոշում ընդունվեց վայոց Ձորի մարզպետ նշանակել Էդգար Ղազարյանին: Հիշեցնենք, որ վերջինիս թեկնածությունը առաջադրվեց երեկ ՀՀԿ կենտրոնական գրասենյակում կայացած ՀՀԿ ԳՄ նիստի ժամանակ:  Այնուհետև Տարածքային կառավարման փոխնախարար Վաչե Տերտերյանը կառավարությանը ներկայացրեց հուլիսի 8-ին ՀՀ մի շարք համայնքներում կայանալիք ՏԻՄ ընտրությունների ֆինանսավորման հետ առնչվող խնդիրներ: Մասնավորապես, կայանալու են Արմավիրի մարզի Այգեկ, Գայ, Աղավնատուն, Մրգաշատ, …