Հոկտեմբեր 3, 2013

Հոկտեմբերի 2-ին, ժամը 20.30-ի սահմաններում, “Տոյոտա” մակնիշի ավտոմեքենայի վարորդը Երեւանի Վարդանանց եւ Նալբանդյան փողոցների խաչմերուկում վրաերթի է ենթարկել 43-ամյա տղամարդու, որը մարմնական վնասվածքներով տեղափոխվել է “Նաիրի” բժշկական կենտրոն: Ոստիկանության լրատվության վարչությունից հայտնում են, որ կատարվում է քննություն:

Սիրիայում ծավալված իրադարձությունների հետեւանքով Հայաստան ժամանած սիրիահայերի աջակցության ծրագրերի շրջանակներում Հայաստանի սփյուռքի նախարարությունը,   կրթության եւ գիտության նախարարությունը, Հայկական բարեգործական ընդհանուր միությունը եւ Գալուստ Կյուլպենկյան հիմնարկությունը համատեղ հայտարարում են Հայաստանի բարձրագույն եւ միջին մասնագիտական ուսումնական հաստատություններում սովորող սիրիահայ ուսանողների 2013-2014 ուսումնական տարվա վարձավճարների փոխհատուցման ծրագրի մեկնարկը: Սփյուռքի նախարարության մամուլի ծառայությունից հայտնում են, որ համաձայն այդ …

Երեւանի քաղաքապետի տեղակալ Արամ Սուքիասյանը ներկայացրել է “Իմ սրտի ուղեկից” նշանաբանով “Էրեբունի-Երեւան-2795” տոնակատարության շրջանակում նախատեսված միջոցառումների մանրամասները։ Տոնակատարությունը նախատեսված է անցկացնել երկու օր շարունակ։ “Այս տարի կունենանք բազմաթիվ հյուրեր: 30-ից ավելի պատվիրակություններ են ժամանելու 17 երկրներից: Նկատենք, որ “Էրեբունի-Երեւանի” տոնակատարություններին նման թվով մասնակցության ցուցանիշ դեռեւս չի եղել”,- նշել է Արամ Սուքիասյանը։ Երեւանի քաղաքապետարանի տեղեկատվության եւ …

Այսօր Րաֆֆի Հովհաննիսյանն ընդունել է Ֆինլանդիայի արտաքին գործերի նախարարության պատվիրակությանը, որի կազմում էին այդ երկրի արտաքին քաղաքական գերատեսչության՝ Ռուսաստանի, Արևմուտքի և Կենտրոնական Ասիայի վարչության գլխավոր տնօրեն Թերհի Հակալան, ՀՀ-ում Ֆինլանդիայի Հանրապետության արտակարգ և լիազոր դեսպան Քրիստեր Միքելսոնը և պաշտոնատար այլ անձինք: Ֆին դիվանագետների խնդրանքով Հովհաննիսյանն անդրադարձել է Հայաստանի ներքին և արտաքին քաղաքականության առանցքային դիտանկյուններին, ինչպես …

Հոկտեմբերի 2-ին, ժամը 19.00-ին, 1963 թ. ծնված  Դավիթ Ս.-ն ոստիկանության Աշտարակի բաժնում կամավոր հանձնել է “ՏՕԶ 8” տիպի հրացան, հակահետևակային 5 և հակատանկային 9 նռնակ` պայթուցիչներով, ինքնաձիգի 5.45 մմ տրամաչափի` 490  և “ՏՕԶ 8” տիպի հրացանի 3  փամփուշտ: Ներկայացվածն ուղարկվել է փորձաքննության: Կատարվում է հետաքննություն:

ՀՀ կառավարությունը որոշել է “Գեոպրոմայնինգ գոլդ” ՍՊԸ կողմից իրականացվող ներդրումային ծրագրով ներմուծվող 300 մլն դրամը գերազանցող արժեքով ապրանքների ԱԱՀ վճարման ժամկետը հետաձգել մինչև 2016թ. հունիսի 17-ը: Կառավարությունից պարզաբանում են, որ ընկերությունը նախատեսում է կառուցել նոր արտադրամաս` ներդնելով Ալբիոն տեսակի տեխնոլոգիա, որը ներառում է հանքաքարից հարստացված խտանյութի ստացումը, դրա գերմանր աղացումը և թթվածնի օգնությամբ խտանյութի սուլֆիդային …

Հատուկ քննչական ծառայությունում վերսկսվել է ՀՀ ՔՕ 325-րդ հոդվածի 1-ին մասով նախկինում անհիմն կարճված քրեական գործի նախաքննությունը: ՀՔԾ մամուլի ծառայությունից հայտնում են, որ նախաքննությամբ պարզվել է, որ “Լուսակերտի տոհմային թռչնաբուծական ֆաբրիկա” ՍՊԸ մատակարար Արամ Պետրոսյանի կողմից նախկինում ընկերությունից հափշտակված գումարները դատական կարգով վերականգնելու պատրվակով ընկերության բաժնետեր, ՀՀ ԱԺ նախկին պատգամավոր Խաչիկ Մանուկյանի ցուցումով` տնօրեն Արթուր …

Կիպրոսի պետական հեռուստառադիոընկերությունը տնտեսական ճգնաժամի պատճառով որոշել է չմասնակցել “Եվրատեսիլ -2014”-ին: Այս տարվա մրցույթին մասնակցության համար Կիպրոսը ծախսել էր 150 հազար եվրո: Կիպրոսում չկա ընկերություն կամ կազմակերպություն, որ իրենց ծախսերը կրճատած չլինեն:  Ավելի վաղ հաղորդվել է, որ “Եվրատեսիլ”-ին հրաժարվել են մասնակցել Խորվաթիան, Չեխիան, Սլովակիան, Լյուքսեմբուրգն ու Անդորրան:

Արիզոնայի մոլորակների հետազոտման ինստիտուտի աստղագետները հայտարերել են, որ Մարսի վրա սուպեր հրաբուխներ են հայտնաբերել: Ավելի վաղ ենթադրվում էր, որ դրանց խառնարանները ձևավորվել են երկնքարերի ընկնելու հետևանքով: Սակայն մոլորակի ուղեծրից արված լուսանկարների վերլուծությունը ցույց է տալիս, որ իրականում կլոր իջվածքները հրաբխային կալդերներ են: Գիտնականները հստակ որոշել են մեկ հրաբուխի գտնվելու վայրը և այժմ փորձում են հայտնաբերել …

Ըստ ՀՀ ոստիկանության օպերատիվ հաղորդագրությունների ամփոփագրերի` հոկտեմբերի 2-ից 3-ն ընկած ժամանակահատվածում հանրապետությունում արձանագրված մարմնական վնասվածք հասցնելու  8 դեպքից բացահայտվել է 6-ը, գողության 13 դեպքից` 7-ը, իսկ խուլիգանության 1 և  խարդախության 6 դեպքերն էլ բացահայտվել են:  Անցած 1 օրվա ընթացքում հանրապետությունում արձանագրվել է ճանապարհատրանսպորտային 9 պատահար. 9 մարդ ստացել է տարբեր աստիճանի մարմնական վնասվածքներ: