Հոկտեմբեր 18, 2013

Ճապոնական “Սենտի” ընկերությունը նոյեմբերին կթողարկի նոր սմարթֆոն, որը կարողանում է փոխանցել ոչ միայն ձայնը, այլև հոտը: Այն  կարողանում է արձակել ավելի քան 100 տեսակի հոտ: Հեռախոսի տերը ինքը կարող է  որոշել, թե որ հոտը այդ պահին արձակի սմարթֆոնը:   Այն կարժենա մոտ 35 դոլար:

Այսօրվանից գործարկվելու են Երևան քաղաքում նոր տեղադրված երթևեկության նկատմամբ վերահսկողության և իրավախախտումների արձանագրման տեսախցիկները։ Դրանք տեղակայված են Գայի պողոտա-Բաղյան փողոց, Պարույր Սևակի փողոց-Կարապետ Ուլնեցու փողոց, Տերյան փողոց-Մոսկովյան փողոց և Սեբաստիայի փողոց-Կուրղինյան փողոց խաչմերուկներում: Ճանապարհային ոստիկանությունը հորդորում է վարորդներին պահպանել ճանապարհային երթևեկության անոնները:

Նախագահ Սերժ Սարգսյանն այսօր Երևանի մաթեմատիկական մեքենաների գիտահետազոտական ինստիտուտի “Երևան Էքսպո” ցուցահանդեսային համալիրում ներկա է գտնվել ամենամյա “Արմպրոդէքսպո” մասնագիտացված ցուցահանդեսի բացմանը: Նախագահը շրջել է հանրապետության ագրոպարենային ոլորտը ներկայացնող ցուցահանդեսի տաղավարներով, ծանոթացել իրենց արտադրատեսականին և ծառայությունները ներկայացնող շուրջ 50 հայաստանյան ընկերությունների գործունեությանը, նրանց ներկայացուցիչների հետ զրուցել այդ ընկերությունների ընթացիկ ծրագրերի, խնդիրների և զարգացման հեռանկարների շուրջ: Ցուցահանդեսային …

“ՆԱՍԴԱՔՕԷՄԷՔՍ Արմենիա” բորսայում այսօր՝ հոկտեմբերի 18-ին ամերիկյան դոլարի միջին փոխարժեքը հայկական դրամի նկատմամբ կազմել է 406,50 դրամ:  Բորսայում այսօր վաճառվել է 620 հազ. դոլար: Կանխիկ արտարժույթի շուկայում դոլարի առքուվաճառքի փոխարժեքը գտնվում է 405-408 դրամ միջակայքում:

ՀՀ պաշտպանության նախարարությունը ցավով տեղեկացնում է, որ 18.10.2013թ.՝ ժամը 13:30-ի սահմաններում, ՀՀ ՊՆ N զորամասի մարտավարական դաշտում ժամկետային զինծառայող, շարքային Ռուբեն Էդուարդի Դավթյանը, ըստ նախնական տվյալների, իրեն ամրակցված ինքնաձիգից ինքն իրեն հասցրել է հրազենային վիրավորում: Հիվանդանոց տեղափոխելու ճանապարհին վերջինս մահացել է:Փաստի առթիվ ՀՀ քր. օր-ի 110 հոդ. 1-ին մասով (ինքնասպանության հասցնելը) ՀՀ ՊՆ քննչական ծառայությունում …

Հունական աստվածները մոտ էին մարդկանց, խառնվում էին նրանց գործերին, չէին տարբերվում նրանցից՝ չհաշված, որ գործում էին հրաշքներ, և մեկ էլ որ անմահ էին: Այսպիսով, աստվածները նման էին մարդկանց, ունեին իրենց թերությունները՝ սիրային արկածախնդրություններ, ամուսնական դավաճանություն, երդմնադրժություն… Նրանք բացարձակապես սրբակենցաղ չեն եղել:  Աստվածներն այնպիսի արարքներ էին անում, որ մենք` քսանմեկերորդ արատավոր դարի վաստակաշատ մեղավորներս, նրանց փոխարեն …

Հոկտեմբերի 18-ին, ժամը 14.47-ին ահազանգ է ստացվել, որ Գյումրի քաղաքի Քութայիսյան փողոցի սկզբնամասում այրվում է տնակ: Դեպքի վայր է մեկնել երկու մարտական հաշվարկ: Կտրվի լրացուցիչ տեղեկատվություն:

Հայաստանի ներկայացուցիչ Գրիգոր-Սեւակ Մխիթարյանը հաղթել է Բրազիլիայի Մոգի դաս Կրուզես քաղաքում անցկացված մրցաշարում: Հայաստանի ներկայացուցիչը, չկրելով ոչ մի պարտություն, 7 հնարավորից վաստակել է 6 միավոր եւ 87 մասնակիցների մեջ միանձնյա նվաճել առաջին մրցանակը, հաղորդում է Armchess-ը։  Բրազիլիայի ներկայացուցիչ, ՖԻԴԵ-ի վարպետ Արմեն Բրուտյանը 5 միավորով գրավել է 9-րդ տեղը:  Գրոսմայստեր Ավետիք Գրիգորյանը Ինդոնեզիայի մայրաքաղաք Ջակարտայում ավարտված …

Հանրային քննարկումներ կազմակերպելու նպատակով Հայաստանի Հանրապետության ոստիկանության պաշտոնական կայքում տեղադրվել է “Հայաստանի Հանրապետության քրեական օրենսգրքում փոփոխություն կատարելու մասին” ՀՀ օրենքի նախագիծը: ՀՀ ոստիկանությունը շահագրգիռ ֆիզիկական և իրավաբանական անձանց առաջարկում է սույն թվականի հոկտեմբերի 16-ից մինչև հոկտեմբերի 30-ընախագծի վերաբերյալ իրենց դիտողություններն ու առաջարկությունները ուղարկել press@police .am էլեկտրոնային հասցեով: Լրացուցիչ պարզաբանումների համար դիմել ոստիկանության իրավաբանական վարչություն` 59-68-39 …

Այսօր երեկոյան՝ լույս շաբաթ, Երկրի բնակիչները հնարավորություն կունենան տեսնել Լուսնի կիսաստվերային խավարում, որի ընթացքում Լուսինը մասնակիորեն կծածկվի Երկրի ստվերով։ Մոսկովյան ժամանակով 1:48-ին, այնուհետ՝ 3:50-ին, իսկ 5:52-ին Երկրի կիսաստվերը կլքի Լուսինը:Խավարումը հնարավոր կլինի տեսնել Ռուսաստանի ողջ եվրոպական մասում, Արևմտյան Սիբիրում, Եվրոպայում և Ամերիկայի արևելյան ափին։ Նշենք, որ երկրի կիսաստվերն առաջին անգամ կդիպչի Լուսնին: