ՌԴ դաշնային ծառայության աշխատակիցները Մոսկվայում ձերբակալել են հայկական սփյուռքի ամենահարուստ ներկայացուցիչներից մեկին՝ Լևոն Հայրապետյանին:
Ռուսական հատուկ ծառայություններից աղբյուրը հայտնել է «Ռոսբալթին», որ Հայրապետյանը ձերբակալվել է հուլիսի 15-ին Մոսկվայի օդանավակայանում, ուր նա ժամանել էր Մոնակոյից:
Ձերբակալվածին տեղափոխել են Ռուսաստանի քննչական կոմիտե, որտեղ էլ նրան հայտնել են ձերբակալության պատճառները: Մոտ օրերս քննիչները պատրաստվում են դիմել դատարան՝ հայ գործարարին կալանավորելու միջնորդությամբ:
Լևոն Հայրապետյանին ձերբակալել են «կինգիսեպյան» հանցավոր խմբավորման գործունեության հետաքննության շրջանակներում. հանցախմբի ղեկավարն է եղել «հեղինակություն» Սերգեյ Ֆինագինը: Վերջինիս գործունեությանը Հայրապետյանի հնարավոր մասնակցության մասին քննիչներին տեղեկացրել է ցմահ բանտարկված նախկին սենատոր Իգոր Իզմեստևը:
.gif)
