ԽՄԱԾ ԾԵԾԿՌՏՈՒՔ

Մարտի 16-ին  Կապանի «Prince» ռեստորանում ՀՅԴ խմբակցության պատգամավոր Գագիկ Գեւորգյանի  եւ մի խումբ դաշնակցականների ընթրիքից անմիջապես հետո  կրակոցներ են հնչել նրանց սենյակում: Ռեստորանի տերերը, որոնք ՀՀԿ տեղական շտաբի պատասխանատուներից են, ներս են մտել եւ հարցրել, թե ով է կրակում, ինչի արդյունքում ծեծկռտուք է ծավալվել: Քիչ անց ժամանել են ոստիկաններն ու   բերման ենթարկել 2 հոգու` Վիննի մականունով մի երիտասարդի եւ պատգամավորի  հորաքրոջ որդուն` Արմենչիկին: Շուրջ  10 հոգու  էլ տարել են  ոստիկանություն` խմածությունը որոշելու: Aravot.am-ի փոխանցմամբ` որեւէ մեկն այս միջադեպից հետո ձերբակալված չէ: Դեպքի կապակցությամբ Գագիկ Գեւորգյանը  News.am-ին ասել է. «Ուղղակի մի քիչ խմել, իրար չեն հասկացել: Դա ձեւավորված, մեծ սեղանների «գեղեցիկ» հայկական ավանդույթ է»: