«Կաշառքը լինում է ինչ-որ բանի դիմաց»:

Որեւէ մեկն, անշուշտ, չի պնդում, թե մեծամասնական ընտրակարգով առաջադրվածներն ու կուսակցությունները հենց այնպես են մարդկանց փող բաժանում: Նման բան երբեք չի կարող լինել: Բարգավաճող Ուրիխանյանի ակնարկած «ինչ-որ բանն» էլ քվեն է, հանուն որի քարոզարշավը վեր է ածվում առեւտրի: Հենց այդ առեւտուրը կանխելն էլ պետք է դառնա ընտրական մարաթոնի հայտնի ու անհայտ դեմքերի գլխավոր անելիքներից մեկը, թեեւ ամեն ինչ ավելի շատ հենց ընտրակաշառքների մրցույթ է հիշեցնում: Ու «ով ավելի շատ» մոտեցումն էլ առաջնորդում է մեծամասնությանը: Հետեւաբար, հանուն ապագա մանդատի անտրամաբանական մտքեր արտահայտելն այդքան էլ ճիշտ չէ. մտածելը չի խանգարում: