Ինքնաթիռը հարկադիր վայրէջք է կատարել Իրկուտսկում

Շանհայից Լոնդոն ուղևորվող, Virgin Atlantic ավիաընկերությանը պատկանող А340-ը հարկադիր վայրէջք է կատարել Ռուսաստանի Իրկուտսկ քաղաքում: Տուժածներ (ինքնաթիռում եղել է 286 ուղևոր և անձնակազմի 15 անդամ) չկան. տեղեկացնում է vesti.ru-ն:

«Օդանավի անձնակազմը հարկադիր վայրէջքի թույտվություն է խնդրել ինքնաթիռի ներսում ծխակալման պատճառով», – հայտնել են տարածքային իրավապահ մարմինները:

Աէրոբուսը բարեհաջող վայրէջք է կատարել Իրկուտսկում: Ծխակալման պատճառները պարզվում են: