ՕՐՎԱ ԽՃԱՆԿԱՐ

ՄԱՀԱՑԵԼ Է

Երեկ Երեւանում մահացել է Վանո Սիրադեղյանի հարազատ եղբայրը՝ Բորիս Սիրադեղյանը:

ԴԵՊԻ ՉԻՆԱՍՏԱՆ

Չինաստանի Ժողովրդական Հանրապետության պաշտպանության նախարարի հրավերով 2013թ. դեկտեմբերի 21-ին պաշտոնական այցով Պեկին է մեկնել ՀՀ պաշտպանության նախարար Սեյրան Օհանյանի գլխավորած պատվիրակությունը: Այցի ընթացքում ՀՀ պաշտպանության նախարարը հանդիպումներ կունենա ՉԺՀ կենտրոնական ռազմական խորհրդի նախագահի տեղակալ, գեներալ-գնդապետ Սույ Ցիլ Յանի, ՉԺՀ պաշտպանության նախարար, գեներալ-գնդապետ Չան Վանցյուանի եւ այլ բարձրաստիճան պաշտոնյաների հետ:

ՀԵՏ ԵՆ ԿԱՆՉԵԼ

Armenia Today կայքի համակարգող Արգիշտի Կիվիրյանի դեմ հարուցված քրեական գործը երկրորդ անգամ վերադարձվել է լրացուցիչ քննության: «Ձեր վերաբերյալ քրեական գործը մեղադրական եզրակացությամբ դատախազին ուղարկելուց հետո այն ցուցումներով վերադարձվել է լրացուցիչ քննություն կատարելու համար: Ուստի Ձեզ անհրաժեշտ է ներկայանալ ՀՔԾ համապատասխան դատավարական գործողությանը մասնակցելու նպատակով»,- գրել են ՀՔԾ-ից, ինչը Արգիշտի Կիվիրյանը համարում է աճպարարություն:

ԿԱԼՆԱԱՎՈՐԵԼ ԶԱՐՈՒՀՈՒՆ

168.am-ի տեղեկություններով` ԱԺ նախագահ Հովիկ Աբրահամյանը ԱԺ «Ժառանգություն» խմբակցության ղեկավար Զարուհի Փոստանջյանի կողմից ՀՀԿ-ական պատգամավորների քվեարկության քարտերը վերցնելու փաստի առիթով զանգահարել է գլխավոր դատախազ Գեւորգ Կոստանյանին: Սակայն, դատելով դատախազության լռությունից, Կոստանյանը գործողություն չի կատարել՝ Փոստանջյանին կարգի հրավիրելու համար: