Վրաստանը վիզային ռեժիմ կսահմանի Հայաստանի հետ

Այս տարվա սեպտեմբերից Վրաստանը պատրաստվում է վիզային ռեժիմ սահմանել Հայաստանի հետ. հաղորդում է «Ռեգնում» գործակալությունը:

Հղում կատարելով Վրաստանի արտաքին գործերի նախարարությանը` գործակալությունը նշում է, որ Հայաստանի այն քաղաքացիները, ովքեր Վրաստան կայցելեն հանգստի նպատակով, կօգտվեն այժմ գործող ոչ վիզային ռեժիմից, իսկ ովքեր Վրաստան կայցելեն երկար ժամանակով՝ աշխատելու կամ սովորելու, նրանց համար կգործի վիզային նոր ռեժիմը։

Վրաստանի արտաքին գործերի նախարարության պարզաբանմամբ՝ այս բարեփոխումը «Եվրոպական միությունում գործող վիզային ռեժիմի ընթացակարգերին հարմարեցվելու միտում ունի»։