Սևանա լճում ավտոմեքենա է արգելափակվել

Հայաստանի ԱԻՆ-ում, այսօր՝ հուլիսի 27-ին, ժամը 12.27-ին ահազանգ է ստացվել, որ Սեւանա լճում` թերակղզու մոտակայքում, ավտոմեքենա է արգելափակվել. անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել հատուկ ջրափրկարարական ջոկատի հերթապահ խումբը:

Ժամը 13.00-ին ջրափրկարարները լճից դուրս են բերել «Նիսսան» մակնիշի 20 OL 935 համարանիշի ավտոմեքենան: