Ըստ «Ժողովուրդ»-ի տեղեկությունների` մարտի 12-ին Հայ առաքելական եկեղեցու վիրահայոց թեմը վերջապես գրանցվել է Վրաստանի արդարադատության նախարարությունում` ստանալով հանրային իրավունքի իրավաբանական անձի կարգավիճակ: Այս հարցը տեւական ժամանակ հայ-վրացական հարաբերությունների ամենացավոտ կողմերից մեկն էր: Վրաստանում անցյալ տարի տեղի ունեցած օրենսդրական փոփոխությունից եւ անցած ամռանը Ամենայն հայոց կաթողիկոսի` Վրաստան կատարած հովվապետական այցից հետո խնդիրը համարվում էր լուծված: Սակայն մեր հավաստի աղբյուրների փոխանցմամբ` վրացական կողմը կրկին փորձել է խոչընդոտել խնդրի լուծմանը: Մասնավորապես, դեռեւս փետրվարի սկզբին Վրաստանի իշխանությունները մերժել են ՀԱԵ վիրահայոց թեմի գրանցումը, եւ միայն լրացուցիչ բանակցության արդյունքում, որում էական դերակատարություն է ունեցել Վրաստանում ՀՀ դեսպան Հովհաննես Մանուկյանը, Հայ առաքելական եկեղեցուն, ի վերջո, տրվել է ցանկալի կարգավիճակը:
.gif)
