Վերջերս Twitter, Instagram և Tumblr ցանցերում լայն տարածում են ստացել #Amazonwishlist և #Rinser հեշտեգերը, որոնց վրա սեղմելով կարելի է տեսնել աղջիկների լուսանկարներ: Աղջիկներն առաջարկում են իրենց ինտիմ լուսանկարները հասանելի դարձնելու դիմաց իրենց որևէ բան նվիրել Amazon.com ինտերնետ-խանութից. տեղեկացնում է Metro-ն:
Բրիտանական լրագրողները որպես օրինակ մատնանշում են Wank Over Unicorns անվան տակ հանդես եկող բրիտանուհուն, որը ֆոտոբլոգ ունի Tumblr-ում: Աղջիկն այնտեղ տեղադրում է իր լուսանկարները և առաջարկում ունկնդիրներին ֆինանսապես աջակցել իրեն՝ գնելով կից ներկայացված ցանկում նշված ապրանքներից որևէ մեկը: Բրիտանուհու պահանջները ավանդական են այդ տարիքի աղջկա համար՝ շրջազգեստ, սպորտային կոշիկներ, ձեռքի ժամացույց, «այֆոն», լայնէկրան հեռուստացույց: Կողքին բլոգի հեղինակը տեղադրում է արդեն իսկ ստացված նվերների լուսանկարները:
Լրագրողները նշում են, որ երիտասարդ բրիտանուհու բլոգը բավականին անմեղ տեսք ունի, քանի որ կան շատ ավելի ծայրահեղները, որոնց հեղինակները զբաղվում են անթաքույց մուրացկանությամբ:
Բրիտանացի լրագրողներին տհաճորեն զարմացրել է այն փաստը, որ գնալով ավելի շատ աղջիկներ գումար վաստակելու նման եղանակը համարում են իրենց համար ընդունելի և նորմալ:
.gif)
