ՀԱՅԲԻԶՆԵՍԲԱՆԿԸ Գեղարքունիքի մարզում ավելացնում է մասնաճյուղերի թիվը… Օգոստոսի 2-ին ք. Գավառ, Բունիաթյան 18/1 հասցեում տեղի ունեցավ ՀԱՅԲԻԶՆԵՍԲԱՆԿԻ «ԳԱՎԱՌ» մասնաճյուղի հանդիսավոր բացումը, որին ներկա էին «ՀԱՅԲԻԶՆԵՍԲԱՆԿ» ՓԲԸ Վարչության նախագահ Արսեն Միքայելյանը, Բանկի այլ ղեկավար անձինք, Գեղարքունիքի փոխմարզպետը, Գեղարքունյաց թեմի առաջնորդը և այլ հրավիրյալներ:
Բանկի այս մասնաճյուղը թվով երկրորդն է Գեղարքունիքի մարզում, իսկ ընդհանուր մասնաճյուղերի հաշվով` 33-րդը:
«ԳԱՎԱՌ» մասնաճյուղում հաճախորդները կսպասարկվեն հմուտ աշխատակիցների կողմից՝ հնարավորություն ունենալով օգտվելու տարբեր վարկատեսակներից, միջազգային արագ դրամական փոխանցումների համակարգերից, ժամկետային ավանդների լայն տեսականուց և այլն:
«Մասնաճյուղի թե աշխատակիցների, թե հաճախորդների համար ստեղծված են անվտանգության և հարմարավետության բոլոր պայմանները, իսկ մատուցվող ծառայությունների սակագներն ու սպասարկման որակը կգոհացնեն յուրաքանչյուր հաճախորդի», – նշում է «ՀԱՅԲԻԶՆԵՍԲԱՆԿ» ՓԲԸ Վարչության նախագահ Արսեն Միքայելյանը:
ՀԱՅԲԻԶՆԵՍԲԱՆԿԸ, ընդլայնելով մասնաճյուղերի աշխարհագրությունը, փորձում է հնարավորին չափով մոտ գտնվել իր հաճախորդներին և գործընկերներին, որոնց մի մասն էլ գտնվում է հենց Գավառ քաղաքում:
ՀԱՅԲԻԶՆԵՍԲԱՆԿԸ, կարևորելով մատուցվող ծառայությունների որակն ու արդիականությունը, փորձում է նպաստել տնտեսական կյանքի զարգացմանը նաև Հայաստանի մարզերում:
.gif)
