ԱՄՆ-ում Ադրբեջանի դեսպանության մամուլի հաղորդագրության տեղեկացմամբ` պաշտոնական Բաքուն միջազգային հանրությանը կոչ է անում պատժամիջոցներ կիրառել Հայաստանի դեմ: Ադրբեջանի այս քայլը տարբեր քաղաքական ուժերի կողմից տարբեր մեկնաբանությունների է արժանանում, բայց մեծ մասամբ այն գնահատվում է որպես ապակառուցողական և անլուրջ քաղաքականություն:
Armlur.am-ի հետ զրույցում ՀՀԿ խմբակցության ղեկավար Վահրամ Բաղդասարյանն ասաց. «Ադրբեջանցիների այս արարքը պաշտպանական բնույթ է կրում և լուրջ սպառնալիք չի պարունակում»:
Վ. Բաղդասարյանի խոսքով՝ միջազգային հանրությունը չի կարող լուրջ վերաբերվել այս արարքին:
Իսկ ԲՀԿ խմբակցության պատգամավոր Ստեփան Մարգարյանի կարծիքով՝ ադրբեջանական կողմի այս արարքը քաղաքական դիվիդենտներ ստանալու հնացած մեթոդ է:
«Լարվածություն ստեղծելու նպատակով բեմադրած այս երևույթը, որևէ դրական արդյունք չի կարող ունենալ ադրբեջանցիների համար»,-նշեց պրն. Մարգարյանը:
Պաշտպանության նախկին փոխնախարար Վահան Շիրխանյանը նրանց պահանջին ուղղակի հումորով է վերաբերվում:
.gif)
