Այսօր Սոչիի իր նստավայրում Ռուսաստանի նախագահ Վլադիմիր Պուտինը երկկողմ հանդիպումներ կանցկացնի Ադրբեջանի նախագահ Իլհամ Ալիևի և Հայաստանի նախագահ Սերժ Սարգսյանի հետ:
«Ռուսաստանը վաղուց է հանդես գալիս որպես միջնորդ երկու երկրների միջև: Ուղիղ երկխոսությունը Հայաստանի և Ադրբեջանի միջև անհնար է, իսկ Ղարաբաղյան հակամարտությունը ցանկացած պահ կարող է սաստկանալ: Ներկայումս հրադադարի ռեժիմը պարբերաբար խախտվում է երկու երկրների կողմից»,-գրում է kp.ru-ն:
Ըստ պարբերականի՝ Պուտինն առնվազն կաշխատի համոզել հակառակորդներին գործը չհասցնել մեծ պատերազմի: Չնայած հանդիպման եռակողմ ձևաչափ նախատեսված չէ, ամեն բան դեռ կարող է փոխվել. հայտնում է թերթը:
Շաբաթ երեկոյան ՌԴ նախագահը կայցելի մարտական սամբոյի ամենամյա միջազգային մրցաշարի անցկացման վայր: Չի բացառվում, որ մարզական միջոցառմանը ներկա լինեն նաև հակամարտող կողմերի ղեկավարները:
.gif)
