ՕԳՈՍՏՈՍԸ ԿԻՆՈՇՈՒԿԱՅՈՒՄ ԹԵԺ Է ԼԻՆԵԼՈՒ

Օգոստոսին կներկայացվեն բավականին շատ հետաքրքիր ֆիլմեր` ամենատարբեր ժանրերի: Ամենահայտնի «Նինձյա կրիաներ» մուլտֆիլմի պրեմիերան տեղի կունենա օգոստոսի 7-ին, իսկ «Անորսալիները-3» մարտաֆիլմի պրեմիերան կլինի օգոստոսի 13-ին: Այս ֆիլմում խաղում են այնպիսի դերասաններ, ինչպիսիք են՝ Ջեյսոն Ստեթհեմը, Սիլվեստր Ստալոնեն, Հարիսոն Ֆորդը, Առնոլդ Շվարցենեգերը, Մել Գիբսոնը, Անտոնիո Բանդերասը, Ուեսլի Սնայփսը, Դոլֆ Լունդգրենը եւ համաշխարհային մեծության այլ աստղեր:
Ներկայացնում ենք օգոստոս ամսվա ամենաեկամտաբեր ֆիլմերը, որոնք համաշխարհային վարձույթում միլիոնների հասնող եկամուտներ են ստացել:

 
ԼՈՒՐԵՐ

ԿՐԿԻՆ ՀԱՅՐ Է ԴԱՐՁԵԼ
Երգիչ, հաղորդավար, պրոդյուսեր Գրիշա Աղախանյանը երրորդ անգամ հայր է դարձել: BRAVO.am-ի հետ զրույցում նա հայտնել է, որ կրտսեր որդուն իր հայրիկի պատվին անվանակոչել է Ալեքսանդր. «Պայմանավորված նրանով, որ հասուն տարիքում եմ կրկին հայր դարձել, զգացմունքներս գուցե մի փոքր ավելին են: Հիմա ձգտում եմ տանը լինել եւ ազատ ժամանակս տղայիս հետ անցկացնել: Նրան ինձ եմ նմանեցնում»,-նշել է Գրիշան:

ՀՈԼԻՎՈՒԴԻ ԱՄԵՆԱԹԱՆԿԱՐԺԵՔ ԴԵՐԱՍԱՆՈՒՀԻՆ
Ամերիկյան «Forbes» հանդեսը ներկայացրել է Հոլիվուդի ամենաբարձր վարձատրվող դերասանուհիների ցուցակը։ «Ոսկե» դերասանուհիների եկամուտը կազմվում է արտադրությունում գտնվող ֆիլմերից ստացված կանխավճարներից, վարձույթից, հոնորարներից եւ գովազդային պայմանագրերից։ Ցուցակի վրա աշխատելիս «Forbes»-ը հարցումներ է արել դերասանուհիների գործակալներից, պրոդյուսերներից եւ հոլիվուդյան փաստաբաններից։
Այս տարի ցուցակը գլխավորել է Սանդրա Բալոքը՝ 51 մլն դոլար եկամտով։ Գումարի հիմնական աղբյուրը դարձել է Ալֆոնսո Կուարոնի «Ձգողականություն» ֆիլմը, որը վարձույթում հավաքել է 716 մլն դոլար։
Երկրորդ հորիզոնականում է 23-ամյա Ջենիֆեր Լոուրենսը, ով մեկ տարում վաստակել է 34 մլն դոլար, իսկ 3-րդ տեղում է Ջենիֆեր Էնիսթոնը՝ 31 մլն դոլարով։

ՔԱՐԴԱՇՅԱՆԸ ԵՐԵԽԱ Է ՈՐԴԵԳՐՈՒՄ
Քիմ Քարդաշյանը իր ռեալիթի-շոույի նկարահանումների համար այցելել է Թայլանդի մանկատներից մեկը: Նա երկար ժամանակ է անցկացրել մանկատան երեխաներից մեկի հետ, խաղացել եւ զրուցել նրա հետ: Երեկոյան Քիմը զանգել է մորը եւ հայտնել, որ ցանկանում է 12-ամյա Փինքին որդեգրել եւ տեղափոխել ԱՄՆ: Քարդաշյանի մայրը դստերը խորհուրդ է տվել չանել նման բան: Դեռեւս հայտնի չէ, Քիմը կլսի մոր խորհուրդը, թե ոչ: Այս պահին Քիմն իր իրավաբանների հետ քննարկում է որդեգրման կարգին առնչվող հարցեր:

ՄԱՀԱԲԵՐ ՍԵԼՖԻՆ
Երիտասարդ մեքսիկացին պատահաբար ինքնասպան է եղել՝ փորձելով լուսանկարվել զենքի հետ: 21-ամյա Օսկար Օտերո Ագիլարը հրազենից վիրավորվել է Մեխիկոյի հյուսիսում: Զոհվելուց առաջ երիտասարդը խմել է ընկերների հետ: Հավանաբար, դրանից հետո ընկերները միտք են հղացել լուսանկարվել եւ տեղադրել լուսանկարները սոցցանցում: Ավելի ուշ, Ագիլարին գտել են հրազենից մահացած վիճակում: Ոստիկանությունը երիտասարդի մահը դժբախտ դեպք է որակել: Չնայած դրան, նրա ընկերներից մեկը ձերբակալված է, իսկ մյուսը գտնվում է փախուստի մեջ:

ՖԼՈՐԻԴԱՅՈՒՄ ԳԱՆՁ ԵՆ ԳՏԵԼ
Ֆլորիդացի գանձ որոնողների ընտանիքը հայտնել է թանկարժեք հայտնագործության մասին: Նավաբեկության ենթարկված իսպանական գելիոնում նրանք գտել են ոսկյա գանձանակ: Նրանց խոսքով՝ իրենք գտել են գանձանակը 1715թ.-ին խորտակված նավում: Նավը Լատինական Ամերիկայից Իսպանիա գանձեր տեղափոխելիս ենթարկվել է նավաբեկության: Սա այս տարածքում թանկարժեք իրերի հայտնաբերման առաջին դեպքը չէ: Միայն անցած տարի Ֆլորիդայի բնակիչները կես միլիոն դոլարի ոսկյա մետաղադրամներ եւ շղթաներ են գտել: Շմիտ ընտանիքը Ֆլորիդայի տարածքում գանձերի որոնման մեջ մասնագիտական ընկերության սեփականատեր է: «Մենք երբեք դրանից հարստանալու նպատակ չենք դրել: Մենք գանձեր ենք որոնում, որպեսզի վերականգնենք պատմությունը»,-ասել է Հիլարի Շմիտը: