Գերմանիայի հետախուզությունը գաղտնալսել է Հիլարի Քլինթոնին վերջինիս՝ ԱՄՆ պետքարտուղար լինելու ընթացքում: Խոսքը գնում է կառավարական ինքնաթիռով թռիչք կատարելու ժամանակահատվածին, հայտնում է Ռոյթերս գործակալությունը՝ հղում անելով գերմանական լրատվամիջոցներին:
Քլինթոնի խոսակցությունն, իբր, պատահաբար է գաղտնալսվել և նրան հետևելու հատուկ ծրագիր չի եղել:
Գերմանիայի կառավարությունը և Սպիտակ տան Ազգային անվտանգության խորհուրդը հրաժարվել են մեկնաբանել այս տեղեկությունը:
Լրատվամիջոցները պարզել են, որ Գերմանիայի կառավարությունը հրահանգել էր երկրի դաշնային հետախուզական ծառայությանը գաղտնալսել ՆԱՏՕ-ի անդամ երկրներից մեկին, սակայն չի հաղորդվում, թե որ երկրի մասին է խոսքը:
Հուլիսին Գերմանիայում ամերիկյան հատուկ ծառայությունների հետ կապված միաժամանակ երկու լրտեսային սկանդալ էր գրանցվել: Հուլիսի 2-ին հայտնի էր դարձել դաշնային ծառայության աշխատակցի ձերբակալման մասին: Այնուհետև Sueddeutsche Zeitung-ը հայտնել էր ԱՄՆ հատուկ ծառայությունների օգտին լրտեսող Գերմանիայի մեկ այլ քաղաքացու մասին:
Պարբերականի տեղեկություններով, ձերբակալվածը ԳԴՀ-ի պաշտպանության նախարարության աշխատակից է:
Այս ֆոնի վրա Գերմանիայի կանցլերի գերատեսչությունը սահմանափակել էր երկրի արտաքին հետախուզության և պաշտպանության նախարարության համագործակցությունն ամերիկյան գործընկերների հետ:
.gif)
