«Ընդամենն ուզում եմ հայտնվել Ազգային Ժողովում եւ զբաղվել օրենսդրական գործունեությամբ մշակույթի բնագավառում»:

Հեռու չէ այն օրը, երբ Շուշան Պետրոսյանը բարձրախոսը կփոխարինի գրիչով: Նա չի նախատեսում ԱԺ ամբիոնից երգել, սակայն ե՛ւ մշակույթի բնագավառում է ուզում մնալ, ե՛ւ ԱԺ-ում օրենսդրական գործունեությամբ զբաղվել: Բայց չէ՞ որ օրենսդիր մարմինը բեմ չէ, եւ ՀՀԿ-ացված երգչուհին հազիվ թե կարողանա, մականունավորների շարքում հայտնվելով, մշակութային գործունեություն ծավալել: Պատկերացնո՞ւմ եք` երգչուհին համատեղ նախագիծ է ներկայացնում, օրինակ, Շմայսի, Նեմեցի եւ այլոց հետ: Իսկ «ընդամենը» ասելով` Շուշանը հավանաբար նկատի ունի, որ իր պատկերացրած առաքելությունը բավական համեստ է, բայց արդյո՞ք դրա կարիքը կա: