Մի քանի օր առաջ Դարյալի լեռնանցքում սողանք է տեղի ունեցել, որի տակ է հայտնվել մի քանի ավտոմեքենա: Մինչ այժմ անհետ կորած է համարվում 7 մարդ:
Տարերային աղետի պատճառով փակվել է Ստեփանծմինդա-Լարս ավտոճանապարհը. տեղեկացնում է վրացական apsny.ge կայքը:
«Սողանքի վայրում աշխատում է հատուկ տեխնիկան, աշխատանքները տարվում են 24-ժամյա ռեժիմով: Մեր գլխավոր խնդիրը մնում է կորածների որոնումը», – ասել է Վրաստանի էներգետիկայի փոխնախարար Իլյա Էլոիշվիլին:
Սողանքի պատճառով դադարեցվել է լեռնանցքում «ԴարյալԳԷՍ»-ի շինարարությունը: Ինչպես տեղեկացրել է փոխնախարարը, այն կվերսկսվի առավելագույնը 10 օրից:
«Մաքսիմում տաս օր, և ամեն բան կվերադառնա սովորական ռեժիմի», – հայտարարել է Էլոիշվիլին:
Ինչպես տեղեկացնում է lenta.ru-ն, «Վերին Լարս» անցակետի մոտ կուտակվել է 36 բեռնատար:
Փրկարարները մտավախություն ունեն, որ սողանքի պատճառով կարող է փակվել Թերեք գետի հունը, ինչը կհանգեցնի Հյուսիսային Օսիայի բարձրադիր գյուղերի՝ ջրի տակ անցնելուն:
.gif)
