Կառավարության այսօրվա նիստում Կրթության և գիտության նախարար Արմեն Աշոտյանը հիշեցրեց, որ մոտենում է Գիտելիքի օրը՝ սեպտեմբերի 1-ը, և ավանդաբար կառավարության անդամները այցելում են տարբեր դպրոցներ՝ իրենց նախընտրությամբ: Նա առաջարկեց այս տարի ևս չխախտել այդ ավանդույթը:
«Կխնդրեմ նաև այս տարի, ձեր հանձնարարությամբ, մեր գործընկերները լինեն որևէ դպրոցում: Եթե նախարարության աջակցության կարիք լինի դպրոցի ընտրության կամ այցելության կազմակերպման հարցում, խնդրեմ»,- ասաց նա:
Վարչապետը հորդորեց բոլոր նախարարներին լինել դպրոցներում և հանձնարարեց Արմեն Աշոտյանին այցելությունները կազմակերպել այնպես, որ նախարարներին դպրոցներում դիմավորեն հավուր պատշաճի:
.gif)
