ԱՄԵՆԱԵՐՋԱՆԻԿ ԱԶԳԸ

«Դանիացիները կրկին ճանաչվել են որպես աշխարհի ամենաերջանիկ ազգ»,- տեղեկացնում է ITAR-TASS-ը. երջանկության վարկանշային աղյուսակի առաջատարները սկանդինավյան երկրներն են: 2-րդ հորիզոնականում է Ֆինլանդիան, 3-րդում` Նորվեգիան: Շվեդիան իր բնակիչների երջանկության ցուցանիշով հայտնվել է աղյուսակի 7-րդ հորիզոնականում: ԱՄՆ-ն` 11-րդ, իսկ Մեծ Բրիտանիան` 18-րդ տեղում են: Ամենաապերջանիկ երկրներն են Տոգոն եւ Բենինը, որոնք էլ եզրափակում են աղյուսակը: Եվրոպայում տեղակայված լինելը երջանկության չափանիշ չէ: Օրինակ` Բուլղարիան 146-րդ տեղում է, իսկ Ռուսաստանը` 76-րդ: Երջանկության գրավականը, ըստ գիտնականների, առողջությունն ու սոցիալական հարաբերություններն են: