Ռուսաստանի Հետաքննությունների կոմիտեն մի քանի տղամարդկանց կասկածում է Տոմսկում 3 տարեկան աղջկա սպանության մեջ:
Նրանց ստուգելու նպատակով կատարվում է գենետիկ փորձաքննություն: Այդ մասին ИТАР-ТАСС–ին հայտնել է Հետաքննության կոմիտեի ներկայացուցիչ Վլադիմիր Մարկինը:
Ավելի մանրամասն տեղեկատվություն, ըստ նրա, հետաքննության շահերից ելնելով՝ առայժմ չի հրապարակվում: Մարկինը հավելել է, որ շարունակվում է նաև մանկապարտեզի աշխատակիցների անփութության հետ կապված գործի քննությունը:
Օգոստոսի 14-ին Տոմսկի մանկապարտեզից անհայտ անձն առևանգել էր երեք տարեկան աղջկան: Երեխային փնտրում էր 4 հազար մարդ, որոնց թվում՝ կամավորներ: Օգոստոսի 19-ին աղջնակի դիակը հայտնաբերել են քաղաքի արվարձանում գտնվող մառանում:
.gif)
