ԼՂՀ ԱԳ նախարարն ընդունել է Երիտասարդ մարդկանց քրիստոնյա ընկերակցության անդամներին

Օգոստոսի 28-ին Լեռնային Ղարաբաղի Հանրապետության արտաքին գործերի նախարար Կարեն Միրզոյանն ընդունել է ճանաչողական այցով Արցախ ժամանած Երիտասարդ մարդկանց քրիստոնյա ընկերակցության (ԵՄՔԸ) անդամներին։

ԼՂՀ արտաքին գերատեսչության ղեկավարը ներկայացրել է Լեռնային Ղարաբաղի արտաքին քաղաքականության գերակա ուղղությունները և պատասխանել մասնակիցների հարցերին։

Հանդիպման ընթացքում մտքեր են փոխանակվել նաև Արցախի երիտասարդների և ընկերակցության անդամների միջև կապերի ամրապնդման, Արցախում ԵՄՔԸ գործունեության և համատեղ ծրագրերի իրականացման շուրջ։