Այսօր ԱԺ ՀԱԿ խմբակցությունը շրջանառության մեջ է դրել «Բռնությամբ կատարված հանցագործությունների զոհերին փոխհատուցելու մասին» ՀՀ օրենքի նախագիծը: Նույնանուն եվրոպական կոնվենցիան արդեն 10 տարի է ինչ գտնվում էր ԱԺ-ում: Այս տարվա սկզբին՝ հաշվի առնելով վարչապետի առաջարկությունը Սերժ Սարգսյանը իր հրամանագրով կոնվենցիայի վավերացման գործընթացը կասեցրել էր: Այդ իսկ պատճառով էլ ՀԱԿ խմբակցությունը այսօր շրջանառության մեջ է դրել համապատասխան օրենքի նախագիծը:
Օրենքի ընդունման անհրաժեշտությունը առաջին հերթին պայմանավորված է մարտի 1-ի զոհերի իրավահաջորդներին տրվող փոխհատուցման հետ, քանի որ այսօր զոհերի իրավահաջորդները զրկված են փոխհատուցում ստանալուց այն պատճառով, որ քր.դատ.օրենսդրությունը նման կարգ չի նախատեսում, իսկ կոնվենցիան չի վավերացվել:
Այս հարցը մի քանի անգամ խորհրդարանում բարձրացվել է ԱԺ ՀԱԿ խմբակցության պատգամավորներ Գագիկ Ջհանգիրյանի և Լևոն Զուրաբյանի կողմից: Մասնավորապես, Գագիկ Ջհանգիրյանը կոնվենցիայի հետ կանչումը որակել էր որպես «խայտառակություն ԱԺ-ի, ընդհանրապես՝ Հայաստանի Հանրապետության համար»:
.gif)
