Երեկ Չեմպիոնների լիգայի խմբային փուլի վիճակահանության շրջանակներում հայտնի դարձավ նաև Եվրոպայի 2013/14թթ. մրցաշրջանի լավագույն ֆուտբոլիստի անունը: Այդ տիտղոսին արժանացավ Մադրիդի «Ռեալ»-ի հարձակվող Կրիշտիանու Ռոնալդուն:
Երեք գլխավոր թեկնածուների շարքում շրջանառվում էին նաև «Բավարիա»-ի դարպասապահ Մանուել Նոյերի և կիսապաշտպան Արյեն Ռոբենի անունները:
Պորտուգալացի հարձակվողն առաջին հերթին շնորհակալություն է հայտնել իր թիմակիցներին` նշելով, որ առանց վերջիններիս օգնության չէր կարողանա հասնել այդ հաջողությանը:
«Ես իսկապես շատ-շատ երջանիկ եմ: Ես պետք է շնորհակալություն հայտնեմ իմ բոլոր թիմակիցներին: Առանց միասնական թիմի ոչ մի անհատական պարգևներ ստանալը հնարավոր չէ», – նշել է նա:
Նշենք, որ նախկինում այս տիտղոսը նվաճել էին Լիոնել Մեսսին, Անդրես Ինյեստան և Ֆրանկ Ռիբերին:
.gif)
