Օրերս Արմավիրի մարզում արտառոց դեպք տեղի ունեցավ. թիվ 21 ընտրատարածքում իր թեկնածությունն առաջադրած ԱԺ պատգամավոր Մերուժան Մխոյանին դաժանաբար ծեծել էին, որպեսզի իր թեկնածությունը հանի, եւ ՀՀԿ-ական Ալեքսան Պետրոսյանը (ՄԱՊ-ի Ալիկ) սահուն մտնի խորհրդարան: Հայտնի է, որ թեկնածուին ծեծողներից մեկը եղել էր Սամսոն Պողոսյանը, որը դատապարտվել էր 7,5 տարի ազատազրկման 2006 թվականին ԱԺ պատգամավոր, ԲՀԿ-ական Ռուստամ Գասպարյանի նկատմամբ մահափորձ կատարելու հաամար: «Ժողովուրդ»-ը փորձեց պաշտոնապես տեղեկանալ, թե 7,5 տարվա ազատազրկման դատապարտված անձը երբվանից է ազատության մեջ գտնվում: ԱՆ ՔԿՀ հասարակայնության հետ կապերի եւ լրատվության վարչության պետ Գոռ Ղլեչյանից տեղեկացանք, որ Պողոսյանը կալանքի մեջ է եղել 11.09.2006 թվականից, իսկ ազատության մեջ է գտնվում 27.02.2012թ.-ից: Նրան կալանավայրից ազատ են արձակել պայմանական վաղաժամկետ «ձեւակերպումով»:
.gif)
