Մադրիդի «Ռեալ»-ի հարձակվող Կրիշտիանու Ռոնալդուն խոստովանել է, որ ինչ-որ ժամանակ կցանկանար վերադառնալ «Մանչեստեր Յունայթեդ», որտեղից 2009-ին էր տեղափոխվել իսպանական ակումբ. հայտնում են բրիտանական լրատվամիջոցները:
«Ես սիրում եմ «Մանչեստերը»: Բոլորը գիտեն այդ մասին, այդ մասին բազմիցս եմ ասել: «Մանչեստեր»-ը մնում է իմ սրտում: Ես այնտեղ շատ լավ ընկերներ եմ թողել, իսկ ակումբն էլ լավ երկրպագուներ ունի: Կցանկանայի մի օր վերադառնալ այնտեղ:
Ես երջանիկ եմ «Ռեալ»-ում, իմ պայմանագիրը գործելու է ևս 4 տարի: Բայց երբեք չես կարող իմանալ, թե ինչ կարող է տեղի ունենալ ապագայում: Այնտեղ ինձ աներևակայելի կերպով էին վերաբերվում», – հայտնել է Ռոնալդուն:
.gif)
