Թեեւ վաղուց մեկանարկած քարոզաշավի ընթացքում հայաստանյան քաղաքական ուժերը ջանք ու եռանդ չեն խնայում ՀՀ քաղաքացիներին համոզելու, որ իրենք ամենալավն են, այնուամենայնիվ, հասարակության շրջանում գրեթե բոլոր քաղաքական ուժերը վստահություն չունեն: Ինչու է այս իրավիճակը ստեղծվել եւ ինչ են անում քաղաքական ուժերը հասարակության վստահությունը բարձրացնելու հարցում: Հարցը armlur.am-ի հետ զրույցում պարզաբանեց Աժ պատգամավոր, “Ժառանգություն” կուսակցության անդամ Անահիտ Բախշյանը. “Մենք նոր չենք ինչ-որ բան անում հասարակության վստահությունը շահելու համար, 5 տարի շարունակ մենք ծառայել ենք հասարակությանը, միշտ եղել ենք ժողովրդի կողքին: Հասարակությունը շատ լավ գիտի, որ կուսակցությունը ոնց է աշխատել: “Ժառանգությունն” այնտեղ է, որտեղ ոստիկանների ծեծ ու ջարդ կա, էկոլոգիական խնդիր, կրթության, աշխատավարձերի չտրամադրման, առողջապահության ոլորտում թերացման հարց կա” ,-ընդգծում է Ժառանգության ներկայացուցիչը: Հասարակությունն, ըստ Անահիտ Բախշյանի, չի կասկածում, որ “Ժառանգությունը” ծառայում է իրենց բայց ցավոք նույն հասարակությունը երբեմն կաշառվում է:
.gif)
