Ռուսաստանի արևելքում զորքը մարտական պատրաստվածության է բերվել

Ռուսաստանի պաշտպանության նախարար Սերգեյ Շոյգուն հայտնել է, որ երկրի նախագահ Վլադիմիր Պուտինը կարգադրել է Արևելյան ռազմական շրջանի անսպասելի ստուգում անցկացնել: Այս մասին Շոյգուն հայտարարել է Ռուսաստանի զինված ուժերի խորհրդակցության ժամանակ:

Պաշտպանության նախարարը հրամայել է պոլիգոններ տեղափոխել զորքն ու ռազմական կառավարման մարմինները: ՌԴ ռազմական գերատեսչության ղեկավարը կարգադրել է հատուկ ուշադրություն դարձնել մեծ հեռավորությունների վրա զորքը տեղափոխելու խնդիրներին. տեղեկացնում է ИТАР-ТАСС-ը: