Ինչպես արդեն հայտնել էինք, այսօր Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Արշակ Վարդանյանի նախագահությամբ, մեկնարկեց Դատական կարգադրիչների գործով դատական քննությունը:
Ամբաստանյալ, Դատական կարգադրիչների ծառայության նախկին նախագահ Միսակ Մարտիրոսյանն իրեն մեղավոր չճանաչեց` հայտարարելով, որ չի հասկանում` իրեն ինչում են մեղադրում, ինչ մեղադրանք է իրեն առաջադրվել:
«Հիմա ես կայուն հանցավոր խու՞մբ եմ ստեղծել, թե՞ մասնակցել եմ դրա ստեղծմանը: Հափշտակություննե՞ր եմ արել, թե՞ նպաստել դրան: Ու ընդհանրապես` ի՞նչ է նշանակում` նախնական համաձայնությամբ ու անձամբ: Եթե նախնական համաձայնություն կա, ինչո՞ւ Անգին Ղուկասյանին մեղադրանք չի առաջադրվել այս մասով»,- հարց ուղղեց ամբաստանյալը:
Դատախազը պարզաբանեց, որ, հնարավոր է, լինի նախնական համաձայնություն, ապա գումարը վերցնի միայն մեկը:
Դատավորի հարցին՝ իրեն մեղավոր ճանաչում է, թե՝ ոչ, Մարտիրոսյանը պատասխանեց. «Անհարմար է: Այստեղ մեղադրանք գոյություն չունի: Ես ինձ մեղավոր չեմ ճանաչում»:
.gif)
