Երեկվա կիրակին հայկական տոնացույցում դարձյալ առանձնացավ եկեղեցական տոնով: Այս անգամ հինգ տաղավար տոներից վերջինն էր` Խաչվերացը:
Թե ինչպես են նշել մեր հայրենակիցներն առաքելական եկեղեցու այս տոնը, Armlur.am-ն այսօր հետաքրքրվեց` նշված հարցով դիմելով երևանցիներին:
Պարզվեց, որ մեր հայրենակիցների ճնշող մեծամասնությունը գիտի տոնի մասին, այս կամ այն կերպ նշել է, սակայն բացարձակապես տեղյակ չէ տոնի խորհրդից:
Քիչ չէին նաև աթեիստները, ովքեր անկեղծանում էին, որ ո՛չ տոնի խորհրդից էին տեղյակ, ո՛չ էլ նշել են այն:
Խաչվերացը նշողները հայտարարում էին, թե եկեղեցի կցանկանային գնալ, սակայն այս կամ այն պատճառներով դա նրանց չի հաջողվել, թեև մեր զրուցակիցների մի մասին հանդիպեցինք Աբովյան-Սայաթ-Նովա խաչմերուկում` գործող եկեղեցու հարևանությամբ:
Տաթև Հարությունյան, Տիգրան Սարգսյան
.gif)
