Azatutyun.am-ը գրում է, որ աշխատանքային այցով անցած շաբաթավերջին Հայաստան ժամանած Բելառուսի խորհրդարանի փոխնախագահ Վիկտոր Գումինսկին կիրակի օրը լրագրողների հետ հանդիպմանն ասաց, թե Եվրասիական միությանը Հայաստանի անդամակցության ճանապարհին խոչընդոտներ կան:
«Ազատության» հարցին, թե ի՞նչ կարող է ասել չդադարող այն հայտարարությունների, հրապարակումների կապակցությամբ, թե մի կողմից` Ռուսաստանի, մյուս կողմից Բելառուսի ու Ղազախստանի միջև տարաձայնություններ կան Եվրասիական միությանը Հայաստանի միանալու առնչությամբ, Բելառուսի խորհրդարանի ստորին՝ Ներկայացուցիչների պալատի փոխնախագահը պատասխանեց. – «Գիտեմ, որ որոշակի կետեր կան, որոնց նկատմամբ այսօր աշխատանքներ են տարվում` նախևառաջ Եվրասիական հանձնաժողովում, ինչպես նաև պետությունների ղեկավարների կողմից: Գիտեմ նաև, որ այդ գործընթացն առաջ է գնում: Ես կապ չունեմ այդ գործընթացի հետ, սակայն վստահ եմ, որ ամեն ինչ կհամաձայնեցվի, կգտնվի ընդունելի մի տարբերակ, որպեսզի բոլոր այդ խոչընդոտները վերացվեն: Համենայնդեպս, մենք միայն խոսում ենք այն մասին, որ Հայաստանը պետք է լինի Եվրասիական տնտեսական միությունում, այլ ուղերձներից տեղյակ չեմ»:
Բելառուսում պայամանագրի նախագիծը դեռ փորձաքննության փուլում է
Հայաստանն ու Ռուսաստանն, ինչպես հայտնի է, իրենց համաձայնությունն են տվել Եվրասիական միությանը Երևանի անդամակցության պայմանագրի նախագծին: Որպեսզի այն ստորագրվի, օրինակ, այս հոկտեմբերի 10-ին Մինսկում նախատեսված եվրասիական գագաթնաժողովում, նախագծին պետք է հավանություն տան նաև Բելառուսն ու Ղազախստանը: Գագաթնաժողովին հաշված օրեր են մնացել, մինչդեռ Մինսկից ու Աստանայից լուրեր չկան:
«[Եվրասիական միությանը Հայաստանի միանալու] պայմանագրի նախագիծը այժմ Բելառուսում օրենսդրական ընթացակարգերի կենտրոնում է և փորձաքննություն է անցնում: Առաջիկայում այն պետք է ներկայացվի կառավարությանը: Կառավարությունն էլ պետք է այն ներկայացնի խորհրդարան՝ վավերացման», – ասաց Վիկտոր Գումինսկին:
Մանրամասները՝ սկզբնաղբյուր կայքում:
.gif)
