Armlur.am-ը ՀՀ ԱՆ ՔԿՎ հանրային կապերի բաժնից տեղեկանում է, որ այսօր ժամը 04:00-ի սահմաններում, Նորքի ինֆեկցիոն հիվանդանոցից փախուստի է դիմել ՀՀ ԱՆ «Նուբարաշեն» ՔԿ հիմնարկի կալանավոր, նախկինում դատված Սուրեն Գաբրիելյանը: Մայիսի 20-ին կալանավորը տեղափոխվել էր Նորքի ինֆեկցիոն հիվանդանոց:
Նշանակվել է ծառայողական քննություն: Փաստի առթիվ նախապատրաստվում են նյութեր:
59-ամյա Սուրեն Գաբրիելյանին մեղադրանք է առաջադրվել ՀՀ Քրեական օրենսգրքի 325 հոդվածի 2-րդ մասի 1-ին կետով (փաստաթղթերի կեղծում), 178 հոդվածի 3-րդ մասի 1-ին կետով (խարդախությունը` առանձնապես խոշոր չափերով), 190 հոդվածի 2-րդ մասի, 2-րդ և 3-րդ մասի, 1-ին կետերով (ապօրինի ճանապարհով ստացված եկամուտները օրինականացնելը` խոշոր չափերով):
Քննչական կոմիտեից Armlur.am-ին հայտնեցին, որ փախուստի դիմելու առթիվ հարուցվել է քրեական գործ` ՀՀ քրեական օրենսգրքի 355-րդ հոդվածի 1-ին մասի հատկանիշներով (փախուստը կալանավայրից պատժվում է ազատազրկմամբ` 3 տարի ժամկետով): Միջոցներ են ձեռնարկվում կալանավորին հայտնաբերելու ուղղությամբ:
.gif)
