Ինքնաբացարկի վերջին օրվա դրությամբ՝ ինը ինքնաբացարկ

Ապրիլի 26-ը ԱԺ ընտրություններին մասնակցող կուսակցությունների և 41 ընտրատարածքներում գրանցված պատգամավորության թեկնածուների ինքնաբացարկ հայտնելու վերջին օրն է: Այսօր Կենտրոնական ընտրական հանձնաժողովի արտահերթ նիստում քննարկվել է համամասնական և մեծամասնական ընտրակարգերով ինքնաբացարկ հայտնած վերջին թեկնածուների հարցը: Այս մասին տեղեկանում ենք ԿԸՀ պաշտոնական կայքից:

Համամասնական ընտրակարգով ինքնաբացարկի դիմում ներկայացրածները “Օրինաց երկիր” կուսակցությունից են.

1.N 13 – Կապի և տրանսպորտի նախարար Մանուկ Վարդանյան (նա նաև թիվ 25 ընտրատարածքում մեծամասնական ընտրակարգով առաջադրված թեկնածու էր), 

2.N 18 – Մհեր Համբարձումյան, 

3.N 36 – ՕԵԿ նախկին խոսնակ Սուսաննա Աբրահամյան,

4.N 55 – Մարգարիտ Հակոբյան, 

5.N 144 – Կարինե Սառիկյան:

Հիշեցնենք, որ ավելի վաղ ինքնաբացարկի դիմում էին ներկայացրել ՕԵԿ համամասնական ցուցակում N 45 Աշխեն Մանուկյանը, N 90 Կարինե Մկրտչյանը և N 169 Մերի Ղոնյանը:

Մեծամասնական ընտրակարգով ինքնաբացարկ են ներկայացրել.

1.N 4 ընտրատարածքում՝ Արմեն Եփրեմյան (ՀՀԿ),

2.N 10-ում՝ Գագիկ Շահնազարյան (անկուսակցական), 

3.N 22-ում՝ Գրիշա Հովեյան (ՀՀԿ), 

4.N 39-ում՝ Գորիկ Գրիգորյան (անկուսակցական):