ԲՀԿ-ի համարձակությունը չի ներում իրեն ընդդիմություն անվանել. հարցում (տեսանյութ)

Այսօր հայտնի դարձավ ընդդիմության հանրահավաքի օրը: Իշխանությանը քննադատող կուսակցությունները որոշել են մեծ հանրահավաք հրավիրել:

Armlur.am-ը որոշեց ճշտել հայերի վերաբերմունքը սպասվող քաղաքական զարգացումների վերաբերյալ: Հակառակ ընդդիմության ոգևորությանը` մեր զրուցակիցների ճնշող մեծամասնությունը որևէ հույս չէր կապում ընդդիմադիրների նախաձեռնության հետ:

Թեև ժամանակ դեռ կա, բայց նրանք հաստատակամ պնդում էին, որ հանրահավաքին մասնակցելու ցանկություն չունեն, քանի որ նախ՝ դժգոհ են ընդդիմադիր կուսակցություններից, և հետո` երկրում հնարավոր փոփոխությունների հույս ո՛չ իշխանությունը, ո՛չ ընդդիմությունը չի ներշնչում:

Միգուցե առաջիկա շաբաթներին ընդդիմադիրներին հաջողվի փոքր-ինչ ոգևորություն առաջացնել և խուսափել վերջին շրջանում ավանդական դարձած սակավամարդ հանրահավաքներից, բայցև հետզհետե պարզ է դառնում, որ ընդդիմության հետ հույսեր կապողները նույնպես քիչ են:

Տաթև Հարությունյան, Տիգրան Սարգսյան