ՀՀ քաղաքագետների միության գրասենյակում այսօր ներկայացվել են ընտրությունների հանրային վերահսկողության միջկուսակցական միասնական շտաբի գործունեության նախնական արդյունքները, որի ընթացքում ՀՔՄ նախագահ Հմայակ Հովհաննիսյանը նշել է, որ շտաբը հանգել է այն եզրակացության, որ ստեղծված պայմաններում ընտրակեղծիքներից խուսափելու միակ միջոցն ընտրացուցակները հրապարակելն է: Այս կապակցությամբ քիչ առաջ նիստ է գումարվել ՀՅ Դաշնակցության Գերագույն մարմնում, որտեղ որոշում է կայացվել աջակցել ընտրացուցակները քվեարկությունից անմիջապես հետո հրապարակելու հարցով միասնական շտաբի` սահմանադրական դատարան դիմելու որոշմանը:
Այսպիսով, ՀՅ Դաշնակցություն ու Բարգավաճ Հայաստան կուսակցությունները միասին կդիմեն Սահմանադրական դատարան, ինչի համար նրանց անհրաժեշտ է առնվազն 27 պատգամավորի ստորագրություն: Այժմ կուսակցությունները զբաղված են պատգամավորների ստորագրությունները հավքելով: Այս մասին eMedia.am -ին հայտնել են ՀՅ Դաշնակցությունից:
.gif)
