ՀՀ տրանսպորտի և կապի փոխնախարար Արթուր Առաքելյանն այսօր Կառավարության նիստի ժամանակ ներկայացրեց մի նախագիծ, ըստ որի՝ 40 տոննայից ավել և չմասնատվող բեռի տեղափոխման դեպքում պետք է վճարել 10 հազար դրամ տուրք:
Վարչապետ Հովիկ Աբրահամյանը հարց ուղղեց, թե ինչու հենց 10 հազար դրամ, այլ ոչ թե 5 հազար:
Պարոն Առաքելյանն ասաց.
«Չեմ կարծում, որ դա լրացուցիչ բեռ կլինի»:
«Քո կարծիքն ինձ համար կարևոր չէ»,-պատասխանեց վարչապետը:
Առաքելյանը նշեց, որ դա տուրքի ամենաէժան չափն էˋ համեմատած այլ երկների հետ:
«Այս դեպքերը եզակի են լինելու, պարո՛ն վարչապետ: Եվ այդ գումարը բյուջե է գնալու: Ռուսաստանի փորձն է վերցվել այս անգամ: Քննարկումներ են գնացել նաև Մաքսային միության հանձնաժողովի հետ: Մեր տուրքը ամենաէժանն է»,-հիմնավորեց Առաքելյանը:
Վարչապետն էլ ասաց, որ խորհրդակցություն կանցկացնեն այս հարցի շուրջ:
.gif)
