Թեթևքաշային կարգում ProFC վարկածով աշխարհի չեմպիոն և «Битва 17»-ի (կանցկացվի սեպտեմբերի 30-ին Ռուսաստանում) Դավիթ Խաչատրյանը պատմել է FIGHT NIGHTS կազմակերպությունում իր նորամուտի և դրա հետ կապված տպավորությունների մասին:
– Ի՞նչ կասեք FIGHT NIGHTS-ում ձեր նորամուտի մասին:
-Առաջին մենամարտը ցույց կտա մեր հետագա քայլերը, հեռանկարները: Իհարկե, կարիերայիս ընթացքում ես միշտ ձգտել եմ նշանակալի տիտղոսների, և FIGHT NIGHTS-ն այդ առումով կարևոր աստիճան է ինձ համար: Այդ մրցաշարից հետո արդեն կցանկանայի տեղափոխվել Ամերիկա և ելույթ ունենալ UFC-ում. դա լավ հարթակ է մարզիկների համար:
– Ինչպե՞ս եք պատրաստվում սպասվելիք մենամարտին:
-Դա շատ կարևոր և պատասխանատու մենամարտ է ինձ համար, այդ պատճառով լավ եմ պատրաստվել դրան: Միայն հաղթանակի մասին եմ մտածում:
Սովորական ռեժիմով շարունակում եմ մարզումներս: Օրական 2 մարզում եմ անցկացնում. առավոտյան աշխատում եմ դիմացկունության բարձրացման վրա, իսկ երեկոյան՝ մարտեր անցկացնում: Մինչև մենամարտը պետք է նիհարեմ 8 կգ:
.gif)
