Ազգային ժողովի «Ժառանգություն» խմբակցությունում այսօր տեղի կունենա ԱԺ ընդդիմադիր երեք խմբակցության` ՀԱԿ-ի, ԲՀԿ-ի և «Ժառանգության» հերթական աշխատանքային հանդիպումը:
Հանդիպման ընթացքում քաղաքական ուժերը հստակեցնելու են 8 մարզային այցելության ժամանակացույցը: Նշենք, որ ընդդիմադիր երեք ուժերի վերջին նիստը տեղի էր ունեցել Հայ Ազգային Կոնգրես խմբակցությունում, որից հետո էլ հայտարարվել էր 8 մարզում այցելություններ կազմակերպելու մասին:
Հիշեցնենք, որ ընդդիմադիր երեք ուժերը հոկտեմբերի 10-ին կանցկացնեն միասնական հանրահավաք, որով կամփոփեն դեռևս «Քառյակ»-ի կողմից ներկայացված 12 կետերը: Հիշեցնենք նաև, որ ի սկզբանե համագործակցում էին չորս քաղաքական ուժեր, սակայն ՀՅԴ-ն չի մասնակցի միասնական հանրահավաքին Սահմանադրական բարեփոխումների վերաբերյալ տարակարծության պատճառով:
.gif)
